“Sabah” futbol klubunun Çempionlar Liqasının liqa mərhələsində keçirəcəyi ev oyunlarının paket biletləri yenidən satışa çıxarılacaq.
Klubun “Slaviya” (Praqa), “Borussiya” (Dortmund), “Barselona” və “Napoli”yə qarşı ev oyunlarını izləmək üçün satışa çıxardığı paketlərin qiyməti müvafiq olaraq 35, 60, 190 və 285 manat təşkil edib.
Biletlər satışa çıxarıldıqdan qısa müddət sonra tükənib. Bu isə azarkeşlər arasında narazılığa səbəb olub.
Lakin məlum olub ki, biletlərin yalnız təxminən 10 faizi ilkin mərhələdə satışa çıxarılıb.
“Sabah”ın mətbuat xidmətinin rəhbəri Elnur Həmidov bildirib ki, yaxın vaxtlarda bilet satışının davam etdirilməsi nəzərdə tutulur.
O, biletlərin fərdi deyil, paket formasında satılmasının planlaşdırıldığını da qeyd edib.
Hazırda biletlərin yalnız paket şəklində satılması nəzərdə tutulur.
