“Azərbaycan Hava Yolları” QSC Bakı–Naxçıvan–Bakı marşrutu üzrə səyahət edən sərnişinlər üçün yeni rəqəmsal qeydiyyat xidmətini istifadəyə verib.
Yeni sistemə əsasən, sərnişinlər “mygov” tətbiqi vasitəsilə şəxsiyyətlərini təsdiq edərək fiziki sənəd təqdim etmədən qeydiyyatdan keçə biləcəklər.
Oxşar xəbərlər
Qeydiyyat masasında yerləşdirilən QR kod tətbiq vasitəsilə skan edilir və sərnişinin razılığından sonra şəxsiyyət məlumatları avtomatik olaraq sistemə ötürülür. Bu da qeydiyyat prosesinin daha sürətli və rahat həyata keçirilməsinə imkan yaradır.
Xidmət hazırda Bakı və Naxçıvan hava limanlarında tətbiq olunur. Sərnişinlər istədikləri halda əvvəlki qaydada şəxsiyyət vəsiqəsi təqdim etməklə də qeydiyyatdan keçə bilərlər.
