Azərbaycanda iyulun 15-də havanın əsasən yağmursuz keçəcəyi, bəzi rayonlarda isə temperaturun 40 dərəcəyədək yüksələcəyi gözlənilir.
Milli Hidrometeorologiya Xidmətinin məlumatına görə, Bakıda və Abşeron yarımadasında yağmursuz hava şəraiti müşahidə olunacaq. Şimal-qərb küləyi arabir güclənəcək. Paytaxtda havanın temperaturu gecə 21-26°, gündüz isə 28-32° isti olacaq.
Rayonlarda da əsasən yağmursuz hava üstünlük təşkil edəcək. Lakin gündüz saatlarından etibarən bəzi dağlıq və dağətəyi ərazilərdə arabir yağış yağacağı, qısamüddətli leysan, şimşək və dolu ehtimalı var. Gecə və səhər saatlarında bəzi dağlıq ərazilərdə duman müşahidə olunacaq.
Rayonlarda havanın temperaturu gecə 21-26°, gündüz 35-38°, bəzi yerlərdə isə 40 dərəcəyədək yüksələcək.
