Bakıda və Abşeron yarımadasında sentyabrın 5-də hava şəraitinin dəyişkən buludlu, əsasən yağmursuz keçəcəyi gözlənilir.
Milli Hidrometeorologiya Xidmətindən bildirilib ki, gündüz bəzi yerlərdə qısamüddətli yağış yağacağı ehtimalı var. Cənub-şərq küləyi axşam şimal-qərb küləyi ilə əvəzlənəcək.
Bakıda və Abşeron yarımadasında havanın temperaturu gecə 18-21°, gündüz 28-32° isti olacaq.
Rayonlarda da əsasən yağmursuz hava gözlənilir. Lakin günün ikinci yarısında bəzi dağlıq ərazilərdə yağış, leysan, şimşək və dolu ehtimalı var. Gecə və səhər dağlıq ərazilərdə duman olacaq.
Rayonlarda havanın temperaturu gecə 16-21°, gündüz 30-35° isti, dağlarda gecə 11-16°, gündüz 20-25° isti təşkil edəcək.
