İyul ayında Respublika Təcili və Təxirəsalınmaz Tibbi Yardım Mərkəzinə sudaboğulma ilə bağlı ümumilikdə 22 müraciət daxil olub.
TƏBİB-in məlumatına görə, müraciətlər üzrə 10 nəfər tibb müəssisələrinə hospitalizasiya edilib, 5 nəfərə hadisə yerində tibbi yardım göstərilib.
Bununla yanaşı, 7 nəfərin həkiməqədər ölüm faktı qeydə alınıb.
Respublika Təcili və Təxirəsalınmaz Tibbi Yardım Mərkəzi vətəndaşları çimərlik mövsümündə təhlükəsizlik qaydalarına ciddi əməl etməyə, yalnız nəzarət olunan çimərliklərdən istifadə etməyə və təhlükəli ərazilərdə suya daxil olmamağa çağırıb.
