Bakı–Quba–Rusiya sərhədi ödənişli avtomobil yolunda yanacaqdaşıyan avtomobilin aşması nəticəsində yanğın baş verib.
Fövqəladə Hallar Nazirliyinin (FHN) məlumatına görə, qəza yolun 60-cı kilometrliyində qeydə alınıb. İdarəetmədən çıxan “MAN” markalı yanacaqdaşıyan avtomobil yol kənarına aşaraq alovlanıb.
Yanğınsöndürənlərin operativ müdaxiləsi nəticəsində alovun avtomobilin kabinəsinə və ətraf ərazilərə keçməsinin qarşısı alınıb. Hadisə nəticəsində qoşqudakı yanacaq çəni və ətrafa dağılmış yanacaq təxminən 500 kvadratmetr sahədə yanıb.
Bildirilib ki, hadisə zamanı xəsarət alan olmayıb. Faktla bağlı araşdırma aparılır.
