Balakən rayonunda üç avtomobilin toqquşması nəticəsində 3 nəfər ölüb, 2 nəfər xəsarət alıb.
Hadisə bu gün səhər saatlarında rayonun Katex kəndi ərazisində baş verib.
Belə ki, “Hyundai”, “KIA” və “Toyota” markalı avtomobillər toqquşub. Qəza nəticəsində 3 nəfər həyatını itirib.
İlkin məlumata görə, “Hyundai” markalı avtomobilin sürücüsü, Balakən rayon sakini Hoorsova Məryəm Kamil qızı və “Toyota” markalı avtomobilin sərnişini Mütəllibov Rəşad Yaşar oğlu hadisə yerində ölüblər. Digər ölən şəxsin kimliyi müəyyənləşdirilir.
Qəza nəticəsində 2 nəfərin xəsarət aldığı bildirilir.
DİN-in Mətbuat Xidmətinin regional qrupundan bildirilib ki, faktla bağlı cinayət işi başlanılıb və araşdırma aparılır.
