Ermənistanın Baş naziri Nikol Paşinyan bildirib ki, ölkəsi Rusiya ilə münasibətlərdə eksklüziv yanaşmanı qəbul etmir və paralel olaraq digər dövlətlərlə də strateji tərəfdaşlığını inkişaf etdirir.
Paşinyanın sözlərinə görə, Ermənistan alternativlər yaratmaq qərarına gəlib və bu, təkcə iqtisadi deyil, siyasi istiqaməti də əhatə edir.
O qeyd edib ki, Ermənistan Çin, Fransa, ABŞ, Böyük Britaniya, Niderland və digər ölkələrlə strateji tərəfdaşlıq sənədləri imzalayıb:
“Buna qədər Ermənistanın bu qədər tərəfdaşla belə münasibətləri yox idi və ya ola bilməzdi. Problem bundadır”, – deyə o bildirib.
Baş nazirin fikrincə, Rusiya məhz bunu problem hesab edir.
“Ya münasibətlər eksklüzivdir, ya da ümumiyyətlə olmamalıdır. Lakin Ermənistan belə bir yanaşmanı qəbul etmir. Biz deyirik ki, münasibətlər eksklüziv deyil, amma onlar olmalıdır. Bu, legitim yanaşmadır”, – Paşinyan vurğulayıb.
