Bakıda Məhəmməd Xiyabani küçəsinin Xarici Dairəvi Avtomobil Yolu ilə kəsişməsində tunel tipli yolötürücüsünün inşası nəzərdə tutulur.
Layihə çərçivəsində dairəvi hərəkətin təşkil olunduğu yolayrıcı və Qaradağ istiqamətində keçid üçün yeni yan yol da yaradılacaq. Layihə 2025–2030-cu illər üçün nəzərdə tutulan Bakı şəhərində və ətraf ərazilərdə nəqliyyat infrastrukturunun təkmilləşdirilməsi üzrə Dövlət Proqramına daxil edilib.
Yeni yol həllinin nəqliyyat axınlarının müxtəlif səviyyələrə ayrılmasına və həmin ərazidə hərəkətin daha səmərəli təşkilinə xidmət etməsi nəzərdə tutulur.
Layihə çərçivəsində piyadaların təhlükəsiz və rahat hərəkəti üçün müvafiq infrastrukturun yaradılması da planlaşdırılır.
