Bu il iyunun 30-na Azərbaycanda avtomobil kreditləri üzrə orta illik faiz dərəcəsi 14 %-ə yüksəlib.
Mərkəzi Bankın məlumatına görə, bu göstərici ötən ilin sonu ilə müqayisədə 1 faiz bəndi çoxdur.
Məlumata əsasən, mənzil təmiri üçün verilən istehlak kreditləri üzrə orta faiz dərəcəsi 18 % təşkil edib və bu göstərici ötən ilin sonu ilə müqayisədə dəyişməyib.
Məişət avadanlıqlarının alınması üçün verilən kreditlərin orta faiz dərəcəsi isə 26 % səviyyəsində qalıb.
Yanvar-iyun aylarında kredit kartları vasitəsilə verilən istehlak kreditləri üzrə orta faiz dərəcəsi 1 faiz bəndi artaraq 27 %-ə çatıb.
Digər istehlak kreditləri üzrə orta faiz dərəcəsi isə əksinə, 1 faiz bəndi azalaraq 21 % olub.
