Azərbaycanda ödəniş kartlarının sayı avqust ayında yenidən artıb.
Azərbaycan Mərkəzi Bankının məlumatına görə, avqustun sonunda ölkədə 22 milyon 974 min ödəniş kartı olub. Bu, iyulun sonu ilə müqayisədə 189 min və ya 0,8 faiz çoxdur.
İyulda isə ödəniş kartlarının sayı iyun ayına nisbətən 29 min və ya 0,05 faiz azalaraq 22 milyon 785 minə düşmüşdü.
Avqust ayında kartlarla ölkədaxili nağdsız ödənişlərin ümumi məbləği isə 8 milyard 888 milyon manat təşkil edib. Bu göstərici iyul ayı ilə müqayisədə 824 milyon manat və ya 8,5 faiz azdır.
Qeyd edək ki, gələn aydan əməkhaqqı, pensiya və digər sosial müavinətlər üçün nəzərdə tutulan kartlar, sahibkarlıq hesabına bağlı ödəniş kartları və depozit hesablarına bağlı kartlar istisna olmaqla, hər bir bankda bir məhsul üzrə bir ödəniş kartının təqdim edilməsi nəzərdə tutulur.
