İyulun 30-31-də Azərbaycanın əsasən dağlıq və dağətəyi rayonlarında hava şəraitinin qeyri-sabit keçəcəyi gözlənilir.
Milli Hidrometeorologiya Xidmətinin məlumatına görə, həmin ərazilərdə arabir yağış yağacaq, bəzi yerlərdə yağıntı qısamüddətli leysan xarakterli intensiv olacaq. Eyni zamanda şimşək çaxacağı və dolu düşəcəyi ehtimal edilir.
Proqnoza əsasən, yağıntılar səbəbindən çaylarda sululuğun artacağı, bəzi dağ çaylarından isə qısamüddətli sel keçəcəyi gözlənilir.
