İran İordaniyada yerləşən ABŞ hərbi bazasına ballistik raketlərlə hücum edib.
“Axios”un jurnalisti Barak Ravidin mənbələrə istinadən yaydığı məlumata görə, hücum ABŞ-nin Yaxın Şərqdəki hərbi obyektini hədəf alıb.
Daha sonra ABŞ Silahlı Qüvvələrinin Mərkəzi Komandanlığı (CENTCOM) “X” sosial şəbəkəsində yaydığı açıqlamada bütün raketlərin uğurla ələ keçirildiyini bildirib.
“Bu gün ABŞ-nin Şərq sahili vaxtı ilə saat 17:45-də İran İslam İnqilabı Keşikçiləri Korpusu ABŞ-nin Yaxın Şərqdəki qüvvələrinə qəfil hücum həyata keçirməyə cəhd edib. Bütün İran raketləri uğurla zərərsizləşdirilib”, – deyə açıqlamada vurğulanıb.
Məlumata görə, tərəflər cümə günündən bəri qarşılıqlı zərbələr endirməsə də, bundan əvvəl təxminən iki həftə ərzində davamlı hücumlar həyata keçiriblər. ABŞ İran ərazisindəki hərbi və infrastruktur obyektlərini vurub, Tehran isə regiondakı ABŞ bazalarını hədəfə alıb.
Xatırladaq ki, iyulun 25-də ABŞ Prezidenti Donald Tramp orduya İrana qarşı hücumları dayandırmağı tapşırmış, bundan sonra tərəflər arasında qeyri-rəsmi atəşkəs formalaşmışdı.
