Berlinin mərkəzində avtomobilin piyadaların arasına çırpılması nəticəsində həyatını itirən şəxsin 65 yaşlı Polşa vətəndaşı olduğu müəyyənləşib.
Polşa Xarici İşlər Nazirliyinin mətbuat katibi Maçey Vevyur bildirib ki, hadisə zamanı qadının qızı da xəsarət alıb.
Xatırladaq ki, iyulun 25-i axşam saatlarında Berlinin mərkəzində minik avtomobili yüksək sürətlə insanların arasına daxil olub. Hadisə nəticəsində bir nəfər ölüb, 29 nəfər yaralanıb.
Almaniya mətbuatının məlumatına görə, hadisəni törətməkdə şübhəli bilinən şəxs daha əvvəl terror aktı hazırlamaqda təqsirli bilinərək məhkum olunub və məcburi deradikallaşma proqramından keçib.
