Rusiyada aparılan geoloji kəşfiyyat işləri zamanı ölkənin ən iri qızıl filizi yatağı hesab olunan “Fedorovsko-Kedrovskoye” yatağı aşkarlanıb.
“Rosgeologiya” şirkətinin məlumatına görə, yataq Xakasiya Respublikası ilə Kemerovo vilayətinin sərhədində yerləşir və ümumi qızıl ehtiyatı 28 ton qiymətləndirilir.
Bildirilib ki, ehtiyatın 21,7 tonu C1 və C2 kateqoriyaları üzrə dövlət balansına daxil edilib. Yataqda filizin orta qızıl tərkibi hər ton üzrə 1,56 qram təşkil edir.
Mütəxəssislərin hesablamalarına əsasən, yatağın hüdudlarından kənarda daha 6,3 ton balansdankənar qızıl ehtiyatı mövcuddur.
Şirkətdən qeyd olunub ki, yatağın işlənməsi üçün layihə sənədlərinin hazırlanması yekunlaşmaq üzrədir və ərazidə qiymətləndirmə işlərinə bu ilin sonuna doğru başlanılması planlaşdırılır.
