“Comex” birjasında qızılın qiyməti iyulun 14-dən bəri ilk dəfə bir trua unsiyası üçün 4 100 dollar həddini ötüb.
Ticarət platformasının məlumatına görə, avqust 2026-cı il tədarüklü qızıl füçersləri Bakı vaxtı ilə saat 04:17-yə 2,17 faiz bahalaşaraq 4 102,9 dollara yüksəlib. Daha sonra artım tempi zəifləyib və qiymət 4 101,9 dollar səviyyəsində qərarlaşıb.
Eyni zamanda, sentyabr 2026-cı il tədarüklü gümüş füçerslərinin qiyməti də iyulun 14-dən sonra ilk dəfə 60 dollar həddini keçib. Gümüşün bir trua unsiyası 5,5 faiz bahalaşaraq 60,21 dollara çatıb.
