Rusiyanın bəzi regionlarında yanacaqla bağlı gərgin vəziyyət hələ də qalmaqdadır.
Baş nazirin müavini Aleksandr Novak bildirib ki, bir sıra regionlarda yanacağın satışına qoyulan məhdudiyyətlər tədricən aradan qaldırılır, yanacaqdoldurma məntəqələrində növbələr isə azalır.
Onun sözlərinə görə, hökumət neft şirkətləri ilə problemli regionların yanacaqla təminatını müzakirə edib və məhsul yığımında iştirak edən kənd təsərrüfatı müəssisələrinin yanacaq təchizatına xüsusi diqqət yetirilir.
Qeyd edək ki, Rusiyada yanacaq qıtlığı may ayından müşahidə olunur. Bir sıra regionlarda yanacaq və benzinin satışına məhdudiyyətlər tətbiq edilib. Problemlərin Ukraynanın Rusiya neft emalı zavodlarına endirdiyi zərbələrdən sonra yarandığı bildirilir.
