İranın İsfahan əyalətinin Kaşan şəhərində baş verən ağır yol-nəqliyyat hadisəsi nəticəsində doqquz nəfər həlak olub.
Hadisə şənbə günü axşam saatlarında qədim Kaşan–Qum avtomobil yolunda baş verib. Yük maşını “Samand” və “Peugeot Pars” markalı iki minik avtomobili ilə toqquşub.
İranın Qızıl Aypara Cəmiyyətinin açıqlamasına istinad edən “Tasnim” agentliyinin məlumatına görə, qəza nəticəsində doqquz nəfər həyatını itirib.
Hadisənin digər təfərrüatları barədə məlumat verilməyib.
