Xocavənd rayonunda yeni Rayon Mərkəzi Xəstəxanası fəaliyyətə başlayıb.
Xəstəxanada rayona köçən sakinlərə tibbi xidmət göstərilməsi üçün poliklinik şöbə fəaliyyət göstərir. Burada terapevt, pediatr, oftalmoloq və ginekoloq qəbulu, ultrasəs müayinəsi və laborator xidmətlər təşkil olunub.
Müəssisədə cərrahiyyə bölməsi, triaj sahəsi və pasiyentlərin vəziyyətinə uyğun tibbi yardım göstərilməsi üçün ayrıca otaqlar yaradılıb. Xəstəxanada rentgen aparatı da quraşdırılıb.
TƏBİB-in İcraçı direktoru Anar Bayramov Xocavənd rayonuna səfəri çərçivəsində yeni istifadəyə verilmiş xəstəxanaya və onun tabeliyində fəaliyyət göstərən Qırmızıbazar Həkim Məntəqəsinə baxış keçirib.
