Xocavənd rayonunda mina hadisəsi baş verib.
Humanitar minatəmizləmə əməliyyatlarına cəlb olunan özəl şirkətlərdən birinin əməkdaşı, 1985-ci il təvəllüdlü Əhəd Əhədov xidməti vəzifəsini yerinə yetirərkən piyada əleyhinə minaya düşüb.
Hadisə nəticəsində o, müxtəlif dərəcəli bədən xəsarətləri alıb.
Yaralı rayon mərkəzi xəstəxanasına təxliyə olunub. ANAMA-nın məlumatına görə, onun vəziyyəti qənaətbəxşdir və həyatı üçün təhlükə yoxdur.
