Xaçmaz rayonunda baş verən yol-nəqliyyat hadisəsi nəticəsində xəsarət alan doqquz şəxsin kimliyi məlum olub.
Qəza Gəndob-Yalama avtomobil yolunun rayon ərazisindən keçən hissəsində “VAZ-2106” və “VAZ-2107” markalı minik avtomobillərinin toqquşması nəticəsində baş verib. Hadisə zamanı doqquz nəfər müxtəlif dərəcəli xəsarətlər alıb.
Xəsarət alanlar Naxçıvan sakini, 1988-ci il təvəllüdlü P.Əlixanova, Ağsu rayon sakinləri, 1997-ci il təvəllüdlü S.İsmayılov və 1993-cü il təvəllüdlü İ.İsmayılov, Şabran rayon sakinləri, 1972-ci il təvəllüdlü A.İbrahimov, 1964-cü il təvəllüdlü İ.İsmayılov, 1995-ci il təvəllüdlü Z.İsmayılova, 1991-ci il təvəllüdlü F.Məmmədova, 2011-ci il təvəllüdlü Ə.Məmmədova və 2015-ci il təvəllüdlü R.Məmmədovadır.
Yaralılar təcili tibbi yardım avtomobilləri ilə Xaçmaz Rayon Mərkəzi Xəstəxanasına yerləşdiriliblər. Hadisə ilə bağlı araşdırma aparılır.
