Serbiya Prezidenti Aleksandar Vuçiç vəzifəsindən istefa verdiyini açıqlayıb.
Vuçiç bildirib ki, prezident seçkilərinin ilk turu dekabrın sonunadək keçirilməlidir. Serbiyada növbədənkənar parlament seçkilərinin isə oktyabrın 25-də keçirilməsi nəzərdə tutulur.
“Dekabrın sonunadək prezident seçkilərinin birinci turu keçirilməlidir. Bundan əvvəl isə, bildiyiniz kimi, oktyabrın 25-də parlament seçkiləri keçiriləcək”, – Vuçiç deyib.
O, istefa qərarının səbəbinə də toxunaraq, oktyabrda keçiriləcək parlament seçkilərinə prezident kimi deyil, adi vətəndaş kimi qatılmaq istədiyini bildirib.
“Bunu niyə etdim? Prezident kimi seçkilərə gedə bilərdim. Hətta xaricdəki bir çox prezident dostlarım təəccüblə məndən soruşurdular: “Bunu niyə edirsən? Niyə vəzifədən gedirsən? Bunu heç kim indiyədək etməyib?” – Vuçiç qeyd edib.
Serbiya Konstitusiyasına əsasən, yeni prezident seçilənədək parlamentin spikeri Ana Brnabiç prezident səlahiyyətlərini müvəqqəti icra edəcək. Prezident seçkisinin ilk turu dekabrın sonunadək keçirilməlidir.
