Serbiyanın keçmiş prezidenti Aleksandar Vuçiç rəhbərlik etdiyi “Aleksandar Vuçiç – Birləşmiş Serbiya” seçki siyahısının növbədənkənar parlament seçkilərində məğlub olduğunu bildirib.
Vuçiç Serb Tərəqqi Partiyasının seçki qərargahında çıxışı zamanı yekun nəticələrin hələ açıqlanmadığını, lakin mövcud məlumatlara əsasən, məğlubiyyətin aydın olduğunu deyib.
Onun sözlərinə görə, “Tələbə siyahısı”nın parlamentdə 135–140, rəhbərlik etdiyi siyahının isə təxminən 105 mandat qazanacağı gözlənilir.
“Yekun nəticələrimiz yoxdur. Çoxları təəccüblənəcək və bəzilərinin nə qədər yalan danışdığını, nələr uydurduğunu anlayacaqsınız. Bildirmək istəyirəm ki, tələbə-blokada tərəfdarlarının siyahısı qalib gəlib. Onlar 135–140 mandat, biz isə təxminən 105 mandat əldə edəcəyik”, – Vuçiç qeyd edib.
O əlavə edib ki, Voevodina Macarlarının İttifaqı da parlamentdə təmsil olunacaq.
Vuçiç bundan sonra mübarizəni davam etdirəcəklərini və müxalifətin kim olduğunu göstərəcəklərini bildirib.
