Rusiya qoşunlarının Ukraynanın Xerson, Zaporojye və Xarkov vilayətlərinə hücumları nəticəsində 3 nəfər ölüb, 29 nəfər yaralanıb.
Xerson Vilayət Hərbi Administrasiyasının rəhbəri Aleksandr Prokudinin məlumatına görə, vilayətin atəşə tutulması nəticəsində 1 nəfər ölüb, 23 nəfər yaralanıb.
Zaporojye Vilayət Hərbi Administrasiyasının rəhbəri İvan Fyodorov bildirib ki, Rusiya qoşunları sutka ərzində vilayətin 51 yaşayış məntəqəsinə 1 069 zərbə endirib. Hücumlar nəticəsində 4 nəfər yaralanıb.
Xarkov vilayətində isə gecə saatlarında Çuquyev rayonunun Lebyajye kəndinə 6 pilotsuz uçuş aparatı ilə zərbə endirilib.
Xarkov Vilayət Hərbi Administrasiyasının rəhbəri Oleq Sinequbovun məlumatına görə, hücum nəticəsində 2 qadın ölüb, daha 2 qadın yaralanıb.
