Türkiyənin Adana vilayətinin Saimbeyli rayonunda 5 maqnitudalı zəlzələ baş verib.
AFAD-ın məlumatına görə, yeraltı təkan sentyabrın 21-də saat 04:02-də qeydə alınıb. Zəlzələnin ocağı 7 kilometr dərinlikdə yerləşib.
Sarsıntı Adana ilə yanaşı Kahramanmaraş, Osmaniye, Kayseri və Qaziantep vilayətlərində də hiss edilib.
AFAD ilkin məlumatında zəlzələ ilə bağlı hazırda hər hansı mənfi halın qeydə alınmadığını, ərazidə baxışların davam etdiyini bildirib.
