Suraxanı Rayon Polis İdarəsinin 30-cu Polis Şöbəsinin əməkdaşlarının keçirdikləri əməliyyat tədbiri nəticəsində narkotik vasitələrin qanunsuz dövriyyəsində şübhəli bilinən C.Qasımlı saxlanılıb.
Onun üzərindən 11 kiloqram narkotik vasitə aşkarlanaraq götürülüb.
Araşdırma zamanı müəyyən edilib ki, C.Qasımlı narkotik vasitələri sosial şəbəkələrdə tanış olduğu, şəxsiyyəti istintaqla araşdırılan xarici ölkə vətəndaşından əldə edib. O, narkotik vasitələri paytaxt ərazisində yaymaq məqsədilə müxtəlif ünvanlara çatdırmağı planlaşdırıb.
Faktla bağlı cinayət işi başlanılıb. Məhkəmənin qərarı ilə C.Qasımlı barəsində həbs qətimkan tədbiri seçilib.
İstintaq tədbirləri davam etdirilir.
