Azərbaycanda turistlər üçün gündəlik, həftəlik və aylıq dəmir yolu bileti paketlərinin, həmçinin müxtəlif destinasiyalar üzrə güzəştli bilet təkliflərinin yaradılması planlaşdırılır.
Bu, Prezident İlham Əliyevin təsdiqlədiyi “Turizmin inkişafına dair 2026–2030-cu illər üçün Dövlət Proqramı”nda əksini tapıb.
Proqrama əsasən, dəmir yolu biletlərinin satışının Qlobal Paylama Sisteminə (GDS) inteqrasiyası da nəzərdə tutulur.
Bundan başqa, Naxçıvana turist səfərlərinin təşkili məqsədilə Bakı–Naxçıvan–Bakı istiqamətində qeyri-müntəzəm (çarter) uçuşların həyata keçirilməsi şərtlərinin müəyyənləşdirilməsi planlaşdırılır.
Həmçinin turoperatorlara turizm zərfi satışı ilə birlikdə Bakı–Naxçıvan–Bakı reysi üzrə biletlərin sifarişini təmin edən yeni satış modelinin hazırlanması nəzərdə tutulur.
