Salyan-Salmanlı dəmir yolu sahəsində “Mercedes” markalı minik avtomobili hərəkətdə olan lokomotivlə toqquşub.
“Azərbaycan Dəmir Yolları” QSC-nin (ADY) məlumatına görə, hadisə bu gün səhər saatlarında avtomobil sürücüsünün dəmiryol keçidi qaydalarını pozması nəticəsində baş verib.
Maşinist təcili tormozlama etsə də, məsafənin az olması səbəbindən toqquşmanın qarşısını almaq mümkün olmayıb. Nəticədə lokomotivə zərər dəyib.
ADY sürücüləri dəmiryol keçidlərinə yaxınlaşarkən diqqətli olmağa, yolun qatardan boş olduğuna əmin olduqdan sonra hərəkəti davam etdirməyə və yol nişanlarının tələblərinə ciddi əməl etməyə çağırıb.
Qurum bir daha xatırladıb ki, dəmir yolunda üstünlük qatara məxsusdur.
