ABŞ Prezidenti Donald Tramp Rusiya Prezidenti Vladimir Putinlə telefon danışığından sonra Rusiyanın dizel yanacağının tədarükü ilə bağlı razılıq əldə olunduğunu açıqlayıb.
Tramp bu barədə “Truth Social” sosial şəbəkəsində yazıb və telefon danışığını “çox uğurlu” adlandırıb.
Onun sözlərinə görə, Rusiya dərhal 300 min tondan çox dizel yanacağı, noyabrda əlavə 500 min ton, daha sonra isə 1 milyon ton yanacaq tədarük edəcək.
“Bundan əlavə, Rusiyanın neft emalı zavodlarının vəziyyətini nəzərə alaraq, qısa müddət ərzində daha 3 milyon ton dizel yanacağı tədarük ediləcək”, – ABŞ Prezidenti yazıb.
Tramp hesab edir ki, bu tədarüklər və ABŞ-nin Hörmüz boğazı üzərində tam nəzarəti ələ keçirməsi ilə bağlı bəyanatı ABŞ-də və dünyada dizel yanacağının qiymətlərinin əhəmiyyətli dərəcədə azalmasına səbəb olacaq.
O, yanacağın qiymətinin aşağı salınmasının, xüsusilə fermerlər, ranço sahibləri və yük maşını sürücüləri üçün, əsas prioritetlərindən biri olduğunu vurğulayıb.
“Bu, çox vacib və əhəmiyyətli açıqlamadır. Bundan əlavə, İranın nüvə silahına malik olmayacağını da başa düşmək lazımdır”, – Tramp əlavə edib.
