Zəlzələ nəticəsində ölkənin bir sıra ərazilərində binalara və yollara ziyan dəyib. Herrera, Veraguas və Los Santos əyalətlərində dağıntılar qeydə alınıb. Penonome şəhərində bəzi ictimai binalar və tarixi Müqəddəs Atanasi kilsəsi zərər görüb.
Güclü təkanlardan sonra ölkə üzrə müxtəlif obyektlərdə təxliyə tədbirləri həyata keçirilib. Paytaxtdakı xəstəxanalardan birində də insanlar binadan çıxarılıb. İlkin məlumatlara görə, hadisə nəticəsində xəsarət alanlar var. Oktyabrın 9-u axşam saatlarına olan məlumata əsasən, ölənlər barədə rəsmi təsdiq yox idi.
