Azərbaycanda bu ilin ilk yarısında platforma qaydalarını pozduğu müəyyən edilən 600 mindən çox video “TikTok”dan silinib.
Bunu “TikTok”un Şərqi Avropa üzrə ictimai siyasət və dövlət qurumları ilə əlaqələr direktoru Diana Ryan IV Şuşa Qlobal Media Forumu çərçivəsində keçirilən panel sessiyada çıxışı zamanı deyib.
Onun sözlərinə görə, ötən il Azərbaycanda qayda pozuntularına görə ümumilikdə 3,6 milyon video platformadan silinib.
Diana Ryan bildirib ki, hazırda platformada moderasiya edilən məzmunun 60 faizdən çoxu süni intellekt vasitəsilə aşkarlanır və qiymətləndirilir.
