Tarif Şurası Azərbaycanda 143 dərman vasitəsi üzrə qiymətlərin yuxarı həddini müəyyənləşdirib.
Qərar Şuranın bugünkü iclasında qəbul olunub.
Bildirilib ki, dərman vasitələrinin qiymətləri Nazirlər Kabinetinin təsdiq etdiyi qaydalara və Tarif Şurasının müvafiq təlimatına uyğun olaraq tənzimlənib.
Qiymətlər dərman vasitələrinin ticarət adı, farmasevtik forması, təsiredici maddəsi, dozası, qablaşdırılması, miqdarı və istehsal ölkəsi nəzərə alınmaqla müəyyən edilib.
Qiymətləri təsdiqlənən dərman vasitələrinin tam siyahısı Tarif Şurasının rəsmi internet saytının “Dərman vasitələri” bölməsində yerləşdirilib.
Qərar iyulun 23-dən qüvvəyə minəcək.
