Azərbaycanda süni intellekt vasitəsilə fermerlərə kənd təsərrüfatı bitkilərində xəstəlik və zərərvericilərin yayılması riski barədə 72 saat əvvəldən xəbərdarlıq ediləcək.
Sistem yetişdirilən bitkinin növünü nəzərə alaraq potensial riskləri kritik həddə çatmazdan əvvəl müəyyən edəcək.
Kənd Təsərrüfatı Nazirliyinin süni intellekt proqramı həmçinin bitkilərin vəziyyətinin monitorinqini, məhsuldarlığın və suya tələbatın proqnozlaşdırılmasını, eləcə də suvarmanın idarə edilməsini əhatə edir.
Hazırda hava proqnozlarının hazırlanması üçün 151 iqlim stansiyasından məlumat əldə olunur. Daha 30 stansiyanın quraşdırılması ilə onların ümumi sayının 181-ə çatdırılması planlaşdırılır.
