Bu gün Azərbaycanda Kənd Təsərrüfatı İşçiləri Günüdür.
Prezident İlham Əliyevin 2008-ci il oktyabrın 9-da imzaladığı fərmana əsasən, hər il noyabrın 1-i ölkədə Kənd Təsərrüfatı İşçiləri Günü kimi qeyd olunur.
Kənd təsərrüfatının inkişafı Azərbaycanda dövlət siyasətinin əsas prioritetlərindən biridir. İşğaldan azad edilmiş ərazilərin aqrar potensialının bərpası da bu istiqamətdə xüsusi əhəmiyyət daşıyır.
Qarabağ və Şərqi Zəngəzurda müasir təsərrüfatların yaradılması, istehsal infrastrukturunun inkişafı və torpaqların iqtisadi dövriyyəyə cəlb edilməsi kənd təsərrüfatının inkişafı üçün yeni imkanlar yaradır.
