Salyan rayonunda ölümlə nəticələnən yol-nəqliyyat hadisəsi baş verib.
Hadisə səhər saatlarında Ələt-Astara magistralının rayonun Şorsulu kəndindən keçən hissəsində qeydə alınıb. Masallı rayon sakini, 1979-cu il təvəllüdlü Nicat Nəcəfovun idarə etdiyi “Mercedes” markalı avtomobil idarəetmədən çıxaraq yolun kənarına aşıb.
Qəza nəticəsində xəsarət alan Masallı rayon sakinləri, 1957-ci il təvəllüdlü Əzəmət Əkbərova və 1970-ci il təvəllüdlü Müşfiq Mikayılov Salyan Rayon Mərkəzi Xəstəxanasına yerləşdiriliblər. Həkimlərin səylərinə baxmayaraq, Müşfiq Mikayılov xəstəxanada vəfat edib.
Faktla bağlı araşdırma aparılır.
