Salyan rayonunda yerləşən şadlıq saraylarından birində yetkinlik yaşına çatmayan şəxsin toyunun keçiriləcəyi barədə polisə daxil olan müraciət əsasında araşdırma aparılıb.
DİN-in Mətbuat Xidmətinin regional qrupundan bildirilib ki, Rayon Polis Şöbəsinin əməkdaşları tərəfindən faktla bağlı zəruri tədbirlər görülüb.
Araşdırma zamanı qızın 16 yaşının tamam olduğu müəyyənləşdirilib. Polis əməkdaşları oğlan və qızın valideynləri ilə izahedici söhbətlər apararaq belə halların qanunvericiliyə zidd olduğunu onların diqqətinə çatdırıblar.
Planlaşdırılan toy mərasimi təxirə salınıb.
