Bakıda su satışı aparatlarından pul oğurlamaqda şübhəli bilinən üç nəfər həbs olunub.
Paytaxtın Nəsimi, Nərimanov, Yasamal və Binəqədi rayonlarında müxtəlif ünvanlarda quraşdırılmış su satışı aparatlarının sındırılması və içərisindəki pulların oğurlanması ilə bağlı polisə məlumatlar daxil olub. Hadisələr zamanı aparatların pul qəbuledici hissələrinə zərər vurulması nəticəsində şirkətə əlavə maddi ziyan dəydiyi də bildirilib.
Nəsimi Rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində hadisələri törətməkdə şübhəli bilinən Xəyal Sultanzadə, əvvəllər məhkum olunmuş Ümid Tağıyev və Zöhrab Şamilzadə saxlanılıblar.
Faktlarla bağlı Cinayət Məcəlləsinin müvafiq maddəsi ilə cinayət işi başlanılıb. Məhkəmənin qərarı ilə hər üç şəxs barəsində həbs qətimkan tədbiri seçilib.
Araşdırmalar davam etdirilir.
