Ölkə ərazisinin əksər yerlərində hava şəraiti yağıntılı keçib.
Milli Hidrometeorologiya Xidmətindən bildirilib ki, bəzi ərazilərdə yağıntılar leysan xarakterli, intensiv və güclü olub. Şahdağda və Kəlbəcərin yüksək dağlıq ərazilərində qar yağıb. Şahdağda qar örtüyünün hündürlüyü 3 santimetrə çatıb.
Bakıda və Abşeron yarımadasında 7 millimetrədək yağıntı qeydə alınıb.
Ən çox yağıntı Kişçayda (Şəki) — 47 millimetr, Zaqatalada isə 44 millimetr olub. Sarıbaşda (Qax) 17, Ağsuda 7, Xızı və Hacıqabulda 6 millimetr yağıntı qeydə alınıb.
Digər ərazilərdə, o cümlədən Qobustan, Oğuz, Balakən, Şamaxı, Qusar, Xınalıq, Saatlı, Quba, Xaltan, Şahbuz, Culfa, Ordubad, Gədəbəy, Göygöl, Şəmkir, Tovuz, Göyçay, Sabirabad, Salyan, Astara, Lerik, Şabran, Bərdə, Zərdab, Beyləqan, Biləsuvar, İmişli, Kürdəmir, Qrız, Ağdam, Qubadlı, Füzuli, Kəlbəcər, Zəngilan və Şuşada 4 millimetrədək yağıntı düşüb.
Bundan başqa, oktyabrın 23-də saat 23:15 radələrində Şəkinin Oxud və Kişçay kəndlərinə diametri 5–7 millimetr olan dolu yağıb.
