Sabunçu rayonunda moped və motosiklet oğurluğunda şübhəli bilinən dörd nəfər polis tərəfindən saxlanılıb.
Polisin məlumatına görə, yaşayış binalarından birinin qarşısından paytaxt sakininə məxsus 2700 manat dəyərində moped oğurlanıb. Keçirilən əməliyyat tədbirləri nəticəsində əməli törətməkdə şübhəli bilinən İ.Hüseynzadə və R.Qurbanov müəyyən edilərək saxlanılıblar.
Araşdırma zamanı onların oğurladıqları mopedi satdıqları məlum olub.
Bundan başqa, rayon ərazisində 900 manat dəyərində motosikleti oğurlamaqda şübhəli bilinən, əvvəllər məhkum olunmuş H.Baxşıyev və N.Süleymanzadə də saxlanılıb.
Faktlarla bağlı araşdırmalar davam etdirilir.
