Bakının Sabunçu qəsəbəsində fərdi yaşayış evində yanğın baş verib.
Fövqəladə Hallar Nazirliyindən bildirilib ki, hadisə İ. Əfəndiyev küçəsində qeydə alınıb. Əraziyə FHN-in Dövlət Yanğından Mühafizə Xidmətinin qüvvələri cəlb olunub.
Yanğınsöndürənlərin çevik müdaxiləsi nəticəsində yanğın genişlənməsinə imkan verilmədən qısa müddətdə söndürülüb.
Yanğın zamanı ümumi sahəsi 200 kvadratmetr olan 10 otaqlı mansard tipli birmərtəbəli evin mansardında bir otağın yanar konstruksiyaları 20 kvadratmetr, birinci mərtəbədə isə bir otağın tavanı 16 kvadratmetr sahədə yanıb.
Evin böyük hissəsi yanğından mühafizə olunub, xəsarət alan olmayıb.
