Avqustun 8-də Bakıda və Abşeron yarımadasında hava yağmursuz keçəcək.
Milli Hidrometeorologiya Xidmətinin məlumatına görə, şimal-qərb küləyi gündüz saatlarında cənub-şərq küləyi ilə əvəz olunacaq.
Paytaxtda havanın temperaturu gecə 22-25°, gündüz isə 31-36° isti olacaq.
Rayonlarda da əsasən yağmursuz hava şəraiti müşahidə ediləcək. Lakin gündüz bəzi dağlıq ərazilərdə qısamüddətli zəif yağış yağacağı, şimşək çaxacağı ehtimal olunur. Gecə və səhər saatlarında bəzi dağlıq ərazilərdə duman müşahidə ediləcək.
Bölgələrdə havanın temperaturu gecə 22-27°, gündüz 34-39°, dağlıq ərazilərdə isə gecə 14-19°, gündüz 23-28° isti təşkil edəcək.
