Azərbaycan çempionu “Sabah” UEFA Çempionlar Liqasının əsas mərhələsinə vəsiqə qazanıb.
Komanda pley-off mərhələsinin cavab oyununda İsrailin “Hapoel” (Beer-Şeva) kollektivini qəbul edib.
Tofiq Bəhramov adına Respublika stadionunda keçirilən qarşılaşmanın əsas vaxtı “Sabah”ın 3:2 hesablı qələbəsi ilə başa çatıb. Azərbaycan təmsilçisində Kristian Nvaçukvu 38-ci, Umarali Raxmonaliyev 74-cü, Tellur Mütəllimov isə 90+4-cü dəqiqədə fərqlənib. “Hapoel”in qollarını 10-cu dəqiqədə İqor Zlatanoviç, 61-ci dəqiqədə Qay Mizrahi vurub.
Rumıniyada keçirilən ilk oyunda “Hapoel” 2:1 hesabı ilə qalib gəldiyindən görüşdə əlavə vaxt oynanılıb.
Əlavə vaxtda “Sabah” daha iki qol vurub. 101-ci dəqiqədə Patrik Orfe Mbina, 115-ci dəqiqədə isə Coy-Lens Mikels fərqlənib.
Beləliklə, Azərbaycan təmsilçisi rəqibini 5:2 hesabı ilə məğlub edib və tarixində ilk dəfə UEFA Çempionlar Liqasının əsas mərhələsinə vəsiqə qazanıb.
