Oktyabrın 14-də Azərbaycanda havanın temperaturu 29 dərəcəyədək yüksələcək.
Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin oktyabrın 13-dən 14-nə keçən gecə bəzi yerlərdə qısamüddətli az çiskin ehtimalı var. Səhər və axşam arabir duman olacaq.
Cənub-şərq küləyi gündüz şimal-şərq küləyi ilə əvəzlənəcək.
Paytaxtda və Abşeron yarımadasında havanın temperaturu gecə 17–21, gündüz 22–26 dərəcə isti olacaq. Atmosfer təzyiqi 763 mm civə sütunu, nisbi rütubət isə 65–75 faiz təşkil edəcək.
Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Mülayim şərq küləyi əsəcək.
Rayonlarda havanın temperaturu gecə 14–18, gündüz 24–29 dərəcə isti olacaq. Dağlıq ərazilərdə gecə 7–12, gündüz 15–20 dərəcə isti proqnozlaşdırılır.
