1 Avqust Azərbaycan Əlifbası və Azərbaycan Dili Günü qeyd olunur.
1992-ci ildə latın qrafikalı Azərbaycan əlifbasının tətbiqi haqqında Qanun qəbul edilib. 2001-ci ildə isə ölkədə latın qrafikalı əlifbaya keçid prosesi tam başa çatdırılıb.
Latın qrafikalı əlifbanın tətbiqinin Azərbaycan Respublikasının siyasi və mədəni həyatında mühüm hadisə olduğunu nəzərə alan ümummilli lider Heydər Əliyev 2001-ci il avqustun 9-da imzaladığı fərmanla hər il avqustun 1-nin Azərbaycan Əlifbası və Azərbaycan Dili Günü kimi qeyd olunmasını təsdiqləyib.
