Korrupsiya faktları barədə məlumat verən şəxslərə mükafat ödənilməsi təklif olunur.
Yeni qanun layihəsinə əsasən, korrupsiya faktı barədə məlumat verən şəxsə minimum əməkhaqqının 25 mislinədək mükafat verilə bilər.
Məlumat təsdiqlənərsə, mükafat 10 iş günü ərzində təşkilat rəhbərinin qərarı ilə ödəniləcək. Mükafatın məbləği hüquqpozmanın xarakteri, məlumatın əhəmiyyəti, vurulmuş zərər və bərpa edilmiş aktivlər nəzərə alınmaqla müəyyənləşdiriləcək.
Bundan əlavə, cinayət işi nəticəsində dövlətə qaytarılan vəsaitin və ya təmin edilmiş maddi ziyanın 5 faizinin məlumat verən şəxsə ödənilməsi təklif olunur.
Layihədə veriləcək mükafatın gəlir vergisindən azad edilməsi də nəzərdə tutulur.
Qanun layihəsi Milli Məclisin iki komitəsinin birgə iclasında müzakirəyə çıxarılıb.
