Paytaxtın Xətai rayonunda qohumunun evindən oğurluq etməkdə şübhəli bilinən şəxs saxlanılıb.
Zərərçəkən polisə müraciət edərək evindən 2 min manat dəyərində qızıl-zinət əşyalarının və 800 ABŞ dollarının oğurlandığını bildirib.
Polisin keçirdiyi əməliyyat nəticəsində əməli törətməkdə şübhəli bilinən, zərərçəkənin 28 yaşlı qohumu L.Əhmədzadə saxlanılıb.
Araşdırma zamanı onun qonaq olduğu evdən hissə-hissə oğurluq etdiyi müəyyən edilib.
Faktla bağlı araşdırma aparılır.
