Dünya bazarında qızıl, gümüş, platin və palladium fyuçerslərinin qiymətləri ucuzlaşıb.
Bakı vaxtı ilə saat 05:50-yə olan məlumata görə, Nyu-York Ticarət Birjasında (NYMEX) palladiumun dekabr fyuçersləri 3,19 % azalaraq bir troya unsiyası üçün 981,5 dollar təşkil edib. Platin üzrə yanvar fyuçerslərinin qiyməti isə 5,16 % geriləyərək 1 460,4 dollara düşüb.
“Comex” birjasında qızılın dekabr fyuçersləri 1,06 % ucuzlaşaraq bir troya unsiyası üçün 4 008,5 dollara enib.
Qiymətli metallar arasında ən ciddi ucuzlaşma gümüşdə qeydə alınıb. Belə ki, metalın dekabr fyuçerslərinin qiyməti 4,52 % azalaraq bir troya unsiyası üçün 51,24 dollar olub.
