Rusiya Federasiyasının Prezidenti Vladimir Putin Yaponiya ilə ərazi mübahisəsinin olduğu Kuril adaları silsiləsində yerləşən İturup adasına səfər edib. Bu, Putinin adaya ilk səfəridir.
Səfərə Yaponiya etiraz edib. Tokio İturupu öz ərazisi hesab edir və adanı Etorofu adlandırır.
İturup, Kunaşir, Şikotan və Habomai adaları üzərindəki ərazi mübahisəsi Rusiya ilə Yaponiya arasında uzun illərdir davam edir. Mübahisə iki ölkə arasında sülh müqaviləsinin imzalanmasına da mane olan əsas məsələlərdən biridir.
