Prezident İlham Əliyev Azərbaycan Respublikası Prokurorluğunun əməkdaşlarına ali xüsusi və ali hərbi rütbələrin verilməsi ilə bağlı Sərəncam imzalayıb.
Sərəncama əsasən, Sənan Paşayevə II dərəcəli dövlət ədliyyə müşaviri, Emin Mürsəliyev və Asəf Sarıkişiyevə III dərəcəli dövlət ədliyyə müşaviri ali xüsusi rütbələri verilib.
Nihad Şıxəliyevə isə ədliyyə general-mayoru ali hərbi rütbəsi verilib.
Sənan Paşayev Naxçıvan Muxtar Respublikasının prokuroru, Emin Mürsəliyev və Asəf Sarıkişiyev Baş prokuror yanında Korrupsiyaya qarşı Mübarizə Baş İdarəsinin rəis müavinləri, Nihad Şıxəliyev isə hərbi prokurorun müavinidir.
