Bu gündən 2026/2027-ci tədris ili üçün dövlət peşə təhsili müəssisələrinə ixtisas fənn müəllimi və istehsalat təlimi ustası vəzifələrinə işə qəbul müsabiqəsinə start verilib.
Müsabiqə çərçivəsində Bakı, Naxçıvan və regionlardakı peşə təhsili müəssisələri üzrə 316 ixtisas fənn müəllimi, 925 istehsalat təlimi ustası və yüksək texniki peşə təhsili səviyyəsi üzrə 98 müəllim vakansiyası elan olunub.
Namizədlər iyulun 30-dək portal.edu.az elektron müraciət portalı vasitəsilə qeydiyyatdan keçə bilərlər.
Müsabiqə elektron ərizələrin qəbulu, sənədlərin yoxlanılması, test imtahanı, vakant yerlərin seçilməsi və müsahibə mərhələlərindən ibarət olacaq. Ərizələri təsdiqlənən namizədlər avqustun 11-də keçiriləcək test imtahanında iştirak edəcəklər.
Vakansiyalar, ixtisas istiqamətləri və qəbul şərtləri ilə bağlı ətraflı məlumat elektron müraciət portalında yerləşdirilib.
